The news is by your side.

Advertisement

سعودی عرب میں برف باری، پہاڑوں نے سفید چادر اوڑھ لی

ریاض : سعودی عرب میں درمیانے درجے کی بارش کے بعد برف باری نے جنوبی علاقے العسیر کو سفید پوش اڑا دی۔

تفصیلات کے مطابق سعودی عرب کے جنوبی علاقے العسیر میں بللسمر مرکز کے قریب تیز اور درمیانے درجے کی بارش کے دوران تازہ برف باری نے موسم ایک بار پھر تبدیل کردیا، ہلکی برف باری کے نتیجے میں پہاڑوں پرسفید چادر پھیل گئی جس کے نتیجے میں سردی اور خنکی میں بھی اضافہ ہوگیا۔

غیر ملکی خبر رساں ادارے کے مطابق عسیر کے علاقے میں ہونے والی تیز بارش کے باعث کئی علاقوں میں پانی سیلابی ریلوں کی شکل میں بہہ پڑا۔

غیر ملکی خبر رساں ادارے کا کہنا تھا جنوبی بللسمر مرکز میں آلعبید گاﺅں میں پڑنے والی برف باری سے منچلے گھروں سے باہر نکل آئے اور برف باری سے خوب لطف اندوز ہوز ہوئے۔

العربیہ ڈاٹ نیٹ نے بھی تازہ برف باری اور بارش کے باعث سیلابی ریلوں کی تصاویر جاری کردیں۔

مزید پڑھیں : سعودی عرب میں بارشوں اور سیلاب کے باعث 12 افراد ہلاک

یاد رہے کہ رواں برس جنوری میں سعودی عرب میں شدید بارشوں کے باعث 12 افراد جان سے گئے اور  نظام زندگی مفلوج ہوگیا، مدینہ اور  تبوک میں طوفانی بارشوں سے سیلابی پانی گھروں اور عمارتوں میں داخل ہوگیا۔

عرب خبر رساں ادارے کا کہنا ہے کہ سیلاب اور بارشوں کے باعث اسکول سمیت تمام تعلیمی ادارے بند پڑے ہیں جبکہ سیکڑوں گاڑیاں سیلابی ریلے میں بہہ گئیں۔

عرب میڈیا کہنا ہے کہ سیلاب کے باعث 10 افراد تبوک، ایک شخص مدینہ اور ایک شمالی سرحدی علاقے میں ہلاک ہوا جبکہ رسیکیو حکام نے سیلاب میں پھنسے 271 افراد کو زندہ بچا لیا تھا جس میں 137 افراد کو تبوک میں ریسکیو کیا گیا تھا۔

Comments

comments

یہ بھی پڑھیں