The news is by your side.

Advertisement

سعودی عرب میں برف باری، تصاویر وائرل

ریاض: سعودی عرب کے پر فضا مقام ابہا میں برف باری ہوئی ہے جس کی تصاویر اور ویڈیوز وائرل ہوگئیں، محکمہ موسمیات کا کہنا ہے کہ بالائی مقامات پر تیز ہواؤں اور گرج چمک کے ساتھ بارش کے امکانات ہیں۔

سعودی ویب سائٹ کے مطابق ابہا میں برفباری کے مناظر کی تصاویر سوشل میڈیا پر وائرل ہورہی ہیں، بارش کے بعد ابہا شہر کے شمال بللحمر اور بیحان تحصیل میں برفباری ہوئی ہے۔

موسمیات کے قومی مرکز نے اپنے بیان میں کہا ہے کہ جازان، عسیر اور باحہ کے بالائی مقامات پر تیز ہواؤں اور گرج چمک کے ساتھ بارش کے امکانات ہیں۔

مکہ مکرمہ اور مدینہ منورہ ریجنز کے بعض بالائی مقامات پر بھی بارش ہوسکتی ہے۔

قصیم، حائل اور ریاض ریجنز میں بعض مقامات پر گرد آلود ہواؤں سے حد نظر محدود ہوگی، مشرقی ریجن کے شمالی مقامات بھی گرد آلود ہواؤں کی زد میں ہوں گے۔

Comments

یہ بھی پڑھیں