امریکی قونصلیٹ میں لڑکیوں کے عالمی دن پرفٹ بال میچ -
The news is by your side.

Advertisement

امریکی قونصلیٹ میں لڑکیوں کے عالمی دن پرفٹ بال میچ

کراچی: امریکی قونصل جنرل برائن ہیتھ نے بیٹیوںکے عالمی دن کے موقع پراپنی رہائش گاہ پرEnglish Access Microscholarship Program کی طالبات کے لئے فٹبال میچ کا انعقاد کیا۔

امریکی قونصل جنرل کی جانب سے اس تقریب کے انعقاد کا مقصد بیٹیوں کے عالمی دن پر آگاہی فراہم کرنا تھا۔

سندھ ویمن فٹ بال ایسوسی ایشن کی جنرل سیکرٹری سعدیہ شیخ بھی اس موقع پرموجود تھیں۔

تقریب سے خطاب کرتے ہوئے برائن ہیتھ کا کہنا تھا کہ ’’قوم کا مستقبل اسکی بیٹیوں سے وابستہ ہے‘‘۔

انہوں نے یہ بھی کہا کہ ’’تاریخ سے ہمیں سبق ملا ہے لڑکیوں اور عورتوں کو تعلیم کے زیور سے آراستہ کرنے اور خودمختاری دینے سے ہی قومیں معاشی طور پر ترقی کرتی ہیں اور ان میں انسانی حقوق کا احترام بھی اسی ذریعے سے پیدا ہوتا ہے‘‘۔

Comments

comments

یہ بھی پڑھیں