اسلام آباد : اداروں کیخلاف سوشل میڈیا مہم کی تحقیقات کیلئے 5رکنی مشترکہ کمیٹی تشکیل دے دی گئی اور نوٹیفکیشن جاری کردیا گیا۔
تفصیلات کے مطابق حکومت نے سوشل میڈیا پر اداروں کیخلاف مہم کی تحقیقات کیلئے 5 رکنی مشترکہ ٹیم تشکیل دے دی۔
ذرائع نے بتایا کہ وزیراعظم شہباز شریف نے تحقیقات کیلئےکمیٹی کی منظوری دی، جس کے بعد نوٹیفکیشن جاری کردیا گیا۔
- Advertisement -
نوٹیفکیشن میں بتایا گیا کہ آئی جی اسلام آباد جے آئی ٹی کی سربراہی کریں گے جبکہ ڈائریکٹر ایف آئی اے سائبر کرائم بھی کمیٹی میں شامل ہوں گے۔
نوٹیفکیشن کے مطابق ڈائریکٹرسی ٹی ڈبلیواسلام آباد کے ڈی آئی جی انویسٹی گیشن کمیٹی کےممبر اور اسلام آباد سی ٹی ڈی کے ایس ایس پی بھی کمیٹی کے ممبر ہوں گے۔
