اسلام آباد: پاکستان تحریک انصاف کے چیئرمین عمران خان نے کہا ہے کہ ہمارے لوگوں کو اغوا کر کے سافٹ ویئر اپ ڈیٹ کرنے کی کوشش کی گئی، ہم بنانا ری پبلک بنتے جا رہے ہیں۔
تفصیلات کے مطابق سابق وزیر اعظم عمران خان نے اپنے تازہ ٹوئٹ میں اپنے اور پی ٹی آئی رہنماؤں کے خلاف ایف آئی آرز کو شدید تنقید کا نشانہ بنایا ہے، انھوں نے اسے "ایف آئی آرز کا سرکس” کا نام دیتے ہوئے کہا کہ ہم بنانا ریپبلک بنتے جا رہے ہیں جہاں قانون کی حکمرانی نہیں اور صرف جنگل کا قانون ہے۔
عمران خان نے لکھا ” ہمارے لوگوں کو اغوا کیا جاتا ہے اور بعد میں ایف آئی آر کی جاتی ہے،ایک ایف آئی آر میں ضمانت ملتی ہے تو دوسری درج کر دی جاتی ہے، میرے خلاف 145 سے زائد ایف آئی آرز ہیں، ایف آئی آرز کا سرکس لگا ہوا ہے۔”
update their software. Ali Amin got bail in one sham case, & another FIR popped up & now another one with police taking him to Lahore. Despite his falling ill on the way & being taken to hospital, he was removed from hospital before he had stabilised. Now total fascism prevails.
— Imran Khan (@ImranKhanPTI) April 19, 2023
پی ٹی آئی چیئرمین نے ٹوئٹ میں بتایا کہ بنی گالہ کا چوکیدار، زمان پارک کا باورچی، سوشل میڈیا ٹیم اور سیکیورٹی انچارج کو اغوا کیا گیا، ان سب کو تشدد کا نشانہ بنایا گیا اور سافٹ ویئر اپ ڈیٹ کرنے کی کوشش کی گئی۔
انھوں نے لکھا کہ علی امین گنڈاپوری کو ایک مقدمے میں ضمانت ملی تو ایک اور ایف آئی آر سامنے آ گئی، علی امین کو بیمار ہونے پر اسپتال سے مکمل صحت یابی سے پہلے ہی نکال دیا گیا۔
سابق وزیر اعظم نے حکومتی اتحاد فاشسٹ قرار دیتے ہوئے تنقید کی کہ اس وقت ملک میں فاشزم کی حکمرانی ہے۔
