لاہور : پاکستان کرکٹ ٹیم کے مڈل آرڈر بلے باز صہیب مقصود پاکستان کرکٹ بورڈ (پی سی بی) کے آن لائن فٹنس ٹیسٹ کے دوران زخمی ہو گئے، ہفتے کے روز آن لائن فٹنس ٹیسٹ دیتے ہوئے گھٹنے پر شدید چوٹیں آئیں۔
تفصیلات کے مطابق پی سی بی ٹرینر کی آن لائن فٹنس ٹیسٹ کی ضد کی وجہ سے قومی ٹیم کے کھلاڑی صہیب مقصود آن لائن ٹیسٹ دیتے ہوئے زخمی ہوگئے، آن لائن ٹیسٹ کے دوران ان کا گھٹنہ شدید زخمی ہوگیا۔
That accident happend to me today during the online fitness tests that glass of table fell from the table and cut my knee on the way it was just an accident.i back pcb policy for fitness testings during quarantine which keeps us focus . i m happy i still conpleted all the tests.
— Sohaib Maqsood (@sohaibcricketer) April 18, 2020
صہیب مقصود نے اس حادثے سے متعلق سماجی رابطوں کی ویب سائٹ ٹوئٹر پر آگاہ کیا اور بتایا کہ یہ صرف ایک حادثہ تھا، زخم گہرا آیا ہے، ڈاکٹرز کو تصاویر بھجوائیں ہیں، کیونکہ ان دنوں ہم سب اسپتالوں میں جانے سے کافی خوفزدہ ہیں۔
انہوں نے بتایا کہ آن لائن فٹنس ٹیسٹ کے دوران ایک حادثہ پیش آیا اور ٹیبل پر رکھا شیشہ نیچے گر کر ٹوٹ گیا جس کے باعث میرے گھٹنے میں گہرا زخم آیا ہے۔
I sent pictures to some docters because they cutt was quite deep as we all are quite scared these days to go the hospitals..it was just an accident ..
— Sohaib Maqsood (@sohaibcricketer) April 18, 2020
ان کا مزید کہنا تھا کہ میں آن لائن فٹنس ٹیسٹ سے متعلق پی سی بی کی پالیسی کی مکمل حمایت کرتا ہوں کیونکہ اس سے ہماری توجہ اور فٹنس دونوں ہی برقرار رہیں گے، مجھے خوشی ہے کہ زخم آنے کے باوجود بھی میں نے تمام ٹیسٹ مکمل کئے۔“
