پاکستان کرکٹ بورڈ (پی سی بی) نے سابق فاسٹ بولر سہیل تنویر کو جونیئر سلیکشن کمیٹی کا سربراہ مقرر کردیا۔
پی سی بی نے 2009 ورلڈ کپ کی فاتح ٹیم کے رکن اور سابق کرکٹر سہیل تنویر کو جونیئر سلیکشن کمیٹی کا سربراہ مقرر کردیا ہے۔
سہیل تنویر نے 2007 میں بین الاقوامی کرکٹ میں ڈیبیو کیا تھا اور پاکستان کے لیے دو ٹیسٹ، 62 ون ڈے اور 57 ٹی 20 کھیلے انہوں نے تینوں فارمیٹ میں 130 وکٹیں حاصل کیں اور 612 رنز بنائے۔
جونیئر سلیکشن کمیٹی کے سربراہ کی پہلی ذمہ داری یو اے ای میں 8 سے 17 دسمبر کے درمیان شیڈول اے سی سی انڈر 19 ایشیا کپ 2023 کے لیے پاکستان انڈر 19 اسکواڈ کا انتخاب ہوگی۔
پاکستان انڈر 19 بعد میں سری لنکا میں 13 جنوری سے 4 فروری تک آئی سی سی انڈر 19 ولڈ کپ میں حصہ لے گی۔
Sohail Tanvir to lead junior selection committee
Read more ➡️ https://t.co/zEreFqwxis pic.twitter.com/h2mAHLPcWm
— PCB Media (@TheRealPCBMedia) November 17, 2023
سہیل تنویر نے کہا کہ میں چیئرمین پی سی بی مینجمنٹ کمیٹی ذکا اشرف کی طرف سے جونیئر سلیکشن کمیٹی کے سربراہ کے طور پر خدمات انجام دینے کے موقع پر شکر گزار ہوں۔
انہوں نے کہا کہ اس کمیٹی کا چیئرمین مقرر ہونا ایک بہت بڑی ذمہ داری ہے اور میں اس دلچسپ چیلنج کا منتظر ہوں۔
️ Sohail Tanvir reflects on being named chairman of the junior selection committee and his upcoming assignments in this position.
Read more: https://t.co/kGA72SyMBW pic.twitter.com/1u4Q3y5ipy
— Pakistan Cricket (@TheRealPCB) November 17, 2023
سہیل تنویر نے کہا کہ میں نوجوان ٹیلنٹ کی صلاحیت پر یقین رکھتا ہوں اور ہم مشترکہ طور پر نچلی سطح سے لے کر بین الاقوامی سطح تک کامیابی کے لیے ایک راستہ بنانا چاہتے ہیں، ہمارا پہلا کام آئندہ اے سی سی انڈر 19 ایشیا کپ کے لیے انڈر 19 اسکواڈ کا انتخاب ہوگا۔
ان کا کہنا تھا کہ آئندہ سال کے آخر میں آئی سی سی انڈر 19 ورلڈ کپ میں حصہ لینے کے لیے ایک مضبوط ٹیم بنانے کی تیاری کریں گے۔
