منگل, جون 18, 2024
اشتہار

مہنگے پیٹرول سے نجات، شہری نے سولر پر چلنے والی بائیک تیار کر لی

اشتہار

حیرت انگیز

شہری نے ’ضرورت ایجاد کی ماں ہے‘ کہاوت پر کو عملی جامہ پہنچاتے ہوئے سولر پر چلنے والی بائیک تیار کر کے سب کو خوشگوار حیرت میں مبتلا کر دیا۔

میڈیا رپورٹس کے مطابق بھارت کی ریاست تلنگانہ کے شہری محمد شریف نے مہنگے ایندھن سے بچنے کیلیے شمسی توانائی پر چلنے والی بائیک تیار کی۔

اس وقت تلنگانہ میں ہر سو محمد شریف کا چرچہ ہے جبکہ سوشل میڈیا پر دنیا بھر کے صارفین بھی ان کی اس انوکھی مگر لاجواب ایجاد کی تعریف کرتے ہیں۔

- Advertisement -

محمد شریف کے مطابق بائیک کی مرمت اور ایندھن کی مد میں کافی پیسے خرچ ہو رہے تھے تو ایک دن انہوں نے اپنی سواری کو سولر پر منتقل کرنے کا سوچا۔

انہوں نے کچھ اس طرح سے ڈیزائن تیار کیا کہ سولر پلیٹ کی وجہ سے انہیں بائیک چلاتے وقت دھوپ بھی نہیں لگے گی، وہ بیک وقت سورج کی تپش اور ایندھن کے اخراجات سے بچ جائیں گے۔

محمد شریف کی بائیک میں 12 وولٹ کی چار بیٹریاں نصب ہیں جو سولر پینل کے ذریعے چارج ہوتی ہیں۔ اس کی مدد سے بائیک کو 40 کلو میٹر تک چلایا جا سکتا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں