محمد رضوان نے میچ کے دوران اپنی اچھل کود کو اداکاری قرار دیدیا، انھوں نے کہا کہ کبھی کریمپس پڑ جاتے ہیں اور کبھی یہ ایکٹنگ ہوتی ہے۔
آئی سی سی کرکٹ ورلڈکپ میں پاکستان نے سری لنکا کے خلاف ورلڈ ریکارڈ ہدف حاصل کرتے ہوئے تاریخی فتح اپنے نام کی تھی۔ اس کامیابی میں محمد رضوان اور عبداللہ شفیق نے اہم کردار ادا کرتے ہوئے سنچریاں اسکور کی تھیں۔
مین آف دی میچ کا ایوارڈ حاصل کرنے والے محمد رضوان سے جب میزبان نے ان کے کریمپس کے حوالے سے سوال کیا تو اس پر ہنستے ہوئے وکٹ کیپر بیٹر کا کہنا تھا کہ کبھی واقعی درد ہوتا ہے اور کبھی یہ ایکٹنگ ہوتی ہے۔
آئی لینڈرز کے خلاف عمدہ بیٹنگ کا مظاہرہ کرنے والے پلیئر نے کہا کہ آپ جب اس طرح کی کارکردگی کا مظاہرہ کرتے ہیں تو ہمیشہ فخر ہوتا ہے۔
He did not just say that pic.twitter.com/fI2WTgZEJw
— Zak (@Zakr1a) October 10, 2023
ہدف کے تعاقب کے حوالے سے گفتگو کرتے ہوئے انھوں نے کہا یہ مشکل تھا اور اگر اس طرح سے ہدف کا تعاقب کیا جائے تو یہ ہمیشہ خاص ہوتا ہے۔
محمد رضوان کا کہنا تھا کہ ڈریسنگ روم میں موجود ہر کھلاڑی کو یقین تھا کہ ہم اس کا ہدف کا حاص کرسکتے ہیں۔
حیدرآباد کی پچ ہر اظہار خیال کرتے ہوئے وکٹ کیپر بیٹر نے کہا کہ بنیادی طور پر، یہ ایک اچھا ٹریک تھا اور ہم نے اننگز منصوبہ بندی کے ساتھ آگے لے جانے کا فیصلہ کیا تھا۔
