ممبئی: بالی ووڈ اداکار سلمان خان کے ساتھ 90 کی دہائی میں اداکاری کے جوہر دکھانے والی اداکارہ سومی علی نے اداکار پر سنگین الزامات عائد کرکے معافی مانگنے کا مطالبہ کردیا۔
بھارتی میڈیا رپورٹس کے مطابق 90 کی دہائی میں انتھ، آندولن، مافیا، آؤ پیار کریں سمیت متعدد فلموں میں اداکاری کے جوہر دکھانے والی اداکارہ سومی علی نے دبنگ خان کے ساتھ گزرے دنوں کو بدترین قرار دیتے ہوئے ان پر جنسی تشدد کا الزام عائد کیا ہے۔
اداکارہ نے سلمان خان سے معافی کا مطالبہ کیا اور بتایا کہ وہ 20 سالوں تک صدمے کی وجہ سے چپ تھیں۔
View this post on Instagram
سومی علی انسٹاگرام پوسٹ میں لکھا کہ ’سلمان خان ان کے شو کو روکنے کی کوشش کررہے ہیں، اگر سلمان کا رویہ دوسروں کے ساتھ اچھا ہے تو اس کا یہ مطلب ہر گز نہیں ہے کہ وہ سب کے ساتھ اچھے ہیں ہر انسان میں اچھی اور بری عادتیں ہوتی ہیں۔
انہوں نے لکھا کہ ’چاہتی ہوں کہ سلمان اس بات کا اعتراف کریں کہ انہوں نے مجھے جنسی طور پر ہراساں کیا اور مجھے تکلیف پہنچائی ہے۔
اداکارہ نے کہا کہ ’سلمان خان کو خود میں آئینے میں دیکھ کر سوال کریں کہ انہوں نے مجھے کبھی مارا یا بدزبانی نہیں کی ہو، آپ کا ضمیر اب تک کیسے زندہ ہوسکتا ہے جبکہ خود جانتے ہیں کہ یہ سب کچھ آپ نے ہی کیا ہے۔‘
سومی علی نے مزید کہا کہ ’شرم کرو، میں امید کرتی ہوں کہ آپ میں ہمت آجائے اور سب کے سامنے مجھ سے معافی مانگ سکیں اور مجھ پر کیے گئے ظلم کا اعتراف کریں۔‘
