جائیداد کی لالچ نے اولاد کو اندھا کردیا، باپ کو تشدد کا نشانہ بنانے اور اسے ہراساں کرنے والے ناخلف بیٹے کو گرفتار کرلیا گیا۔
تفصیلات کے مطابق پولیس نے بتایا کہ کراچی کے علاقے سچل میں جائیداد کیلئے باپ پر تشدد اور ہراساں کرنے والے شخص کو حراست میں لے لیا گیا، بیٹے کی جانب سے تشدد کا نشانہ بنانے پر والد نے سوشل میڈیا پر پولیس سے مدد کی اپیل کی تھی۔
پولیس نے کہا کہ گرفتار ملزم پراپرٹی کا کاروبار کرتا ہے، ملزم والد کو جائیداد فروخت کرکے پیسے دینے کو کہتا تھا۔
- Advertisement -
ملزم اپنے والد کے گھر مسلح افراد کے ساتھ جاتا تھا، مذکورہ شخص کی والد کو دھمکیاں دینے کے لیے جاتے وقت کی فوٹیج موجود ہے۔
