ممبئی: بھارت کے نامور اداکار شتروگھن سنہا کے قریبی دوست پہلاج نہلانی نے بالی وڈ اسٹار سوناکشی اور ظہیر اقبال کی شادی پر خاموشی توڑ دی۔
میڈیا رپورٹس کے مطابق پہلاج نہلانی کو شروگھن کے انتہائی قریبی سمجھا جاتا ہے اور سوناکشی سنہا نہیں ماموں کہہ کر مخاطب کرتی ہیں۔
پہلاج نہلانی نے حالیہ انٹرویو میں سوناکشی سنہا کی شادی پر خوشی کا اظہار کرتے ہوئے کہا کہ بچے اپنی زندگی کا فیصلہ خود لیا کیونکہ انہوں نے ایک ساتھ رہنا ہے لہٰذا والدین کو خوش رہنا چاہیے۔
انٹرویو میں جب ان سے پوچھا گیا کہ کیا وہ شادی میں شرکت کریں گے تو انہوں نے جواب میں کہا کہ ضرور کروں گا کیونکہ میں سوناکشی سنہا کا ماموں ہوں اور ان کے بڑے دن کا حصہ بنوں گا۔
پہلاج نہلانی نامور فلمساز ہیں اور سینٹرل بورڈ آف فلم کے چیئرمین بھی رہے ہیں۔ انہوں نے کہا کہ تقریب میں شاکت کیلیے دہلی جاؤں گا، تقریبات کا آغاز 18 جون سے ہوگا۔
گزشرہ روز نامور بھارتی اداکارہ و سیاستدان پونم ڈھلون نے سوناکشی سنہا کی ظہیر اقبال کی شادی کی تصدیق کرتے ہوئے کہا تھا کہ مجھے شادی کا خوبصورت دعوت نامہ مل گیا۔
پونم ڈھلون نے کہا تھا کہ جوڑے نے خود مجھے دعوت نامہ ارسال کیا اور میری نیک تمنائیں جوڑے کے ساتھ ہیں، بچپن سے سوناکشی کو جانتی ہوں اور بالی وڈ میں اس کا پورا سفر دیکھا ہے۔
جبکہ آج معروف گلوکار و ریپر یو یو ہنی سنگھ نے بھی سوناکشی سنہا اور ظہیر اقبال کی 23 جون کو شادی کی تصدیق کی ہے۔
