بالی ووڈ کی معروف اداکارہ سونالی بیندرے نے اپنے پرانے دور کی ایک مختصر سی ویڈیو شیئر کی جسے مداحوں نے بے حد پسند کیا۔
48 سالہ سونالی بیندرے کے سماجی رابطے کی ویب سائٹ انسٹاگرام پر 40 لاکھ سے زیادہ فالوورز ہیں۔
حال ہی میں انہوں نے ایک ویڈیو شیئر کی جس میں اس وقت کی ویڈیوز ہیں جب وہ یکے بعد دیگرے فلموں میں کام کر رہی تھیں، ویڈیوز ان کے مختلف انٹرویوز اور تقریبات میں شرکت کی ہیں۔
ویڈیو کے کیپشن میں انہوں نے لکھا 90 کی دہائی کا دور۔
View this post on Instagram
ان کی اس ویڈیو کو 2 لاکھ سے زائد افراد نے لائیک کیا جس میں مداحوں کے علاوہ بالی ووڈ کے نئے اور پرانے فنکار بھی شامل تھے۔
View this post on Instagram
یاد رہے کہ سونالی نے سنہ 1994 میں فلم آگ سے اپنے فلمی کیریئر کا آغاز کیا تھا جس پہ انہیں بہترین ڈیبیو کا فلم فیئر ایوارڈ بھی ملا تھا۔
10 سال تک بے شمار ہٹ فلموں میں اداکاری کے جلوے دکھانے کے بعد سنہ 2004 میں انہوں نے کام سے وقفہ لے لیا تھا، اور اس دوران کینسر جیسے موذی مرض کو شکست دینے کے بعد سنہ 2021 میں انہوں نے دوبارہ کام شروع کردیا۔
View this post on Instagram
2021 میں ایک ٹیلنٹ شو میں ججنگ کے فرائض انجام دینے کے بعد اسی سال انہوں نے ایک ویب سیریز دا بروکن نیوز میں بھی ڈیبیو کیا جو او ٹی ٹی پلیٹ فارم زی 5 سے پیش کیا گیا۔
