بھارتی پنجابی فلموں کی اداکارہ و ماڈل سونم باجوہ نے پاکستانی مداح کے پوسٹر کا جواب دے دیا۔
گزشتہ دنوں راولپنڈی میں کھیلے گئے پی ایس ایل 8 کے میچ میں مداح نے سونم باجوہ کی تصاویر کا پوسٹر تھامے لکھا تھا کہ ’میں سونم باجوہ کی ’سُپر میسی‘ پر یقین رکھتا ہوں۔‘
تیمور زمان نامی صارف نے سونم باجوہ کو ٹوئٹر پر مخاطب کرتے ہوئے مذکورہ پوسٹر کی تصویر شیئر کی۔
سونم باجوہ نے ٹوئٹر پر جواب دیتے ہوئے لکھا کہ ’یہ بہت ہی پیارا ہے۔‘
This is so sweet ☺️ https://t.co/ipgodhZZWr
— Sonam Bajwa (@bajwasonam) March 2, 2023
واضح رہے کہ گزشتہ دنوں سونم باجوہ نے رواں سال پاکستان آنے کی خواہش ظاہر کی تھی۔
ٹوئٹر پر اداکارہ سے ایک مداح نے سوال کیا تھا کہ ’سونم جی کبھی پاکستان بھی آئیں؟‘ سونم باجوہ نے جواب دیتے ایموجی بنائی اور کہا تھا کہ ’اس سال آجائیں گے‘
Iss saal aavange 🤫 https://t.co/v3SYy2ZycJ
— Sonam Bajwa (@bajwasonam) February 22, 2023
واضح رہے کہ گزشتہ سال ایک ریڈیو پورٹل میں گفتگو کے دوران سونم باجوہ نے کہا تھا کہ مجھے جس سے افیئر چلانا تھا اس کی تو شادی ہوگئی ہے جب ان سے پوچھا گیا کہ وہ کون ہے تو اداکارہ نے فواد خان کا نام لیا تھا۔
اس سے قبل ایک انٹرویو میں سونم باجوہ اداکارہ سجل علی کی اداکاری کی تعریف کی تھی۔
انہوں نے اے آر وائی ڈیجیٹل کے مقبول ڈرامہ سیریل ’میرے پاس تم ہو‘ کو بھی پسند کیا تھا، واضح رہے کہ ’میرے پاس تم ہو‘ میں عائزہ خان، ہمایوں سعید اور عدنان صدیقی نے مرکزی کردار ادا کیا تھا۔