تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بیٹے کی چال باپ کے خلاف پڑ گئی

اسلام آباد: سینیٹ چیئرمین کے لیے آج ایوان بالا میں ہونے والی ووٹنگ میں پی ڈی ایم کے امیدوار یوسف رضا گیلانی کے 7 ووٹ اس طرح ضائع کیے گئے ہیں کہ خود اپوزیشن بھی اسے اپنوں کا دغا سمجھنے کی پوزیشن میں نہیں۔

اے آر وائی نیوز کے مطابق سینیٹ چیئرمین کے لیے الیکشن میں بیٹے کی چال باپ کے خلاف ہی پڑ گئی ہے، علی حیدر گیلانی نے سینیٹرز کو ایک ویڈیو میں ووٹ ضائع کرنا سکھایا تھا، یہ چال ان کے والد یوسف رضا گیلانی کے گلے پڑ گئی۔

قومی اسمبلی سے سینیٹرز کے چناؤ کے وقت بھی 7 ووٹ مسترد ہوئے تھے اور یوسف رضا گیلانی حکومتی امیدوار حفیظ شیخ کو ہرا کر اسلام آباد کی نشست سے سینیٹر بن گئے تھے، آج چیئرمین سینیٹ کے الیکشن میں بھی مسترد ہونے والے ووٹ 7 ہی تھے، لیکن یہاں یوسف رضا گیلانی کو شکست کا منہ دیکھنا پڑا، اور صادق سنجرانی ایک بار پھر ایوان بالا کے چیئرمین بن گئے۔

پیپلز پارٹی نے چیئرمین سینیٹ الیکشن چیلنج کرنے کا فیصلہ کر لیا

تجزیہ نگاروں کے مطابق چیئرمین سینیٹ الیکشن میں اپوزیشن کے ساتھ اپنوں نے ہی اپوزیشن کر دی ہے، اور 7 ساتھیوں نے کمال مہارت کے ساتھ دغا دیا، سات ووٹ ریجیکٹ ہوئے لیکن غلطی ایسی تھی کہ اپوزیشن خود ان ووٹوں کو صحیح تسلیم کر رہی ہے۔

سات سینیٹرز نے مہر لگانی تھی خانے میں لیکن لگائی سینیٹر گیلانی کے نام پر، اس طرح ساتھ نہ دینے والوں نے گیلانی کا بھرم بھی رکھا اور ووٹ بھی ضائع کر دیا۔

مقام عبرت یہ ہے کہ حکومتی اتحاد کی طرح کسی نے یہاں اُنھیں بکاؤ، پیسے لیے، یا ضمیر فروش کا طعنہ بھی نہیں دیا۔

Comments

- Advertisement -