کراچی: معروف اداکارہ سونیا حسین نے برائیڈل شوٹ میں اپنی نئی تصاویر سوشل میڈیا پر اپ لوڈ کیں تو مداحوں نے انہیں بہت سراہا، صارفین نے انہیں بھارتی اداکارہ مادھوری ڈکشٹ کے مشابہہ قرار دیا۔
تفصیلات کے مطابق معروف اداکارہ سونیا حسین نے اپنی نئی تصاویر سماجی رابطے کی ویب سائٹ انسٹاگرام پر پوسٹ کیں، تصاویر برائیڈل شوٹ کی ہیں۔
View this post on Instagram
تصاویر میں سونیا حسین نیلے اور سرخ رنگ کے عروسی لباس میں ملبوس ہیں اور نہایت خوبصورت لگ رہی ہیں، انہوں نے تصویر کے کیپشن میں ایک شعر لکھتے ہوئے بتایا کہ یہ ان کے نئے برائیڈل شوٹ کی تصاویر ہیں۔
سونیا کی تصاویر کو مداحوں نے بے حد پسند کیا، صارفین نے توجہ دلائی کہ بعض تصاویر میں وہ بھارتی اداکارہ مادھوری ڈکشٹ کے مشابہہ لگ رہی ہیں۔
صرف پاکستان ہی نہیں بلکہ بھارت سمیت دنیا بھر سے لوگوں نے ان کی تصاویر پر کمنٹ کیا اور انہیں مادھوری کے مشابہہ قرار دیا۔
یاد رہے کہ سونیا حسین نے 2011 سے اپنے ٹی وی کیریئر کا آغاز کیا تھا، وہ اب تک متعدد ڈراموں میں اپنی اداکاری کے جوہر دکھا چکی ہیں۔
