شوبز انڈسٹری کی معروف اداکارہ سونیا حسین نے پسندیدہ پاکستانی کرکٹر کا نام بتا کر سب کو حیران کردیا۔
اے آر وائی نیوز کے کرکٹ اسپیشل شو ’ہر لمحہ پرجوش‘ میں گزشتہ روز اداکارہ سونیا حسین نے شرکت کی اور میزبان وسیم بادامی کے معصومانہ سوالات کے جوابات دیے۔
سونیا حسین نے کہا کہ مجھے شروع سے شعیب اختر بہت پسند ہیں۔
انہوں نے کہا کہ شعیب اختر لیجنڈ ہیں جب ایک اسٹار آتا ہے تو الگ ہی نظر آتا ہے ابھی بھی وہ ساری کرکٹ ٹیم کے ساتھ کھڑے ہوجائیں تو الگ ہی نظر آئیں گے۔
اداکارہ نے کہا کہ شعیب اختر لیجنڈری کھلاڑی ہیں اور اچھے میزبان بھی ہیں۔
سونیا حسین نے پاکستانی ٹیم کے لیے شعر بھی سنایا جس کے بول کچھ یوں ہیں۔
سجا کے رکھتے ہیں چہرے پر جو حسیں کی کرن”
"نہ جانے روح میں کتنے شگاف رکھتے ہیں۔
واضح رہے کہ پاکستانی ٹیم چیمپئنز ٹرافی کے پہلے ہی راؤنڈ میں باہر ہوچکی ہے، پاکستان کو نیوزی لینڈ اور بھارت سے شکست کا سامنا کرنا پڑا۔
ایونٹ میں پاکستان اپنا تیسرا اور آخری میچ بنگلادیش کے خلاف کھیلے گی۔
