ایبٹ آباد : وفاقی وزیر مذہبی امور اورصوبہ ہزارہ تحریک کے چئیر مین سردار محمد یوسف نے ہزارہ صوبہ کے قیام کیلئے دوکمیٹیاں تشکیل دے دی۔
کمیٹی وفاقی اور صوبائی سطع پر ارکان پارلیمنٹ سے صوبہ ہزارہ کے قیام کیلئے ان سے مشاورت اور انھیں اعتماد میں لے گی تاکہ صوبہ ہزارہ کا قیام عمل میں لایا جا سکے۔
ایبٹ آباد کے پی کے ہاؤس میں سردار یوسف کی سربراہی میں ہزارہ ڈویثرن سے تعلق رکھنے والے ارکان قومی و صوبائی اسمبلی، سنیٹڑز اور ضلعی ناظمین اور ڈپٹی اسپیکر قومی اسمبلی مرتضی جاوید عباسی نے بھی اجلاس میں شرکت کی۔
اجلاس کے بعد میڈیا بریفنگ دیتے ہوئے وفاقی وزیر سردار محمد یوسف نے شہداء ہزارہ کی قربانیوں پر انھیں خراج تحسین پیش کیا گیا، اور حکومت سے رائے شماری کروانے کا مطالبہ کیا گیا۔
اس کیساتھ ساتھ ضلعی و تحصیل اسمبلیاں جلد صوبہ ہزارہ کی قراردادیں پاس کریں گی،سردار یوسف کا کہنا تھا کہ ہزارہ کی تمام سیاسی جماعتیں،اور تنظیمیں صوبہ ہزارہ کے قیام کیلئے متفق ہیں۔
حکومت کی جانب سے فاٹا ریفارمز کمیٹی میں بھی صوبہ ہزارہ کے قیام کیلئے ان سے بات چیت کی جائے گی۔
