کراچی: محکمہ داخلہ سندھ کی جانب سے کاروبار کھولنے کے اوقات میں تبدیلی کردی گئی۔
اے آر وائی نیوز کی رپورٹ کے مطابق محکمہ داخلہ سندھ کی جانب سے ایس او پیز میں تبدیلی کردی گئی جس کا نوٹیفکیشن بھی جاری کردیا گیا ہے۔
نوٹیفکیشن کے مطابق صبح 6 سے شام 4 بجے تک کاروبار کھولا جاسکتا ہے، ایس او پیز کے تحت ہفتے میں 4 دن کاروبار کھلے گا۔
محکمہ داخلہ سندھ کا کہنا ہے کہ عوام شام 5 سے صبح 6 بجے تک غیرضروری گھر سے باہر نہ نکلیں۔
واضح رہے کہ قومی رابطہ کمیٹی کے اجلاس میں وزیراعظم عمران خان نے ملک بھر میں 9 مئی سے جزوی لاک ڈاؤن مرحلہ وار ختم کرنے کا اعلان کیا تھا جس کے بعد صوبہ سندھ نے بھی صوبے بھر میں چھوٹی دکانیں اور کاروبار صبح 5 سے شام 5 بجے تک کھولنے کی اجازت دے دی تھی۔
تاہم اب کاروباری اوقات صبح 6 سے شام 4 بجے تک کردیے گئے ہیں۔خیال رہے کہ سندھ میں کرونا وائرس کے کیسز کی تعداد 12 ہزار سے تجاوز کرگئی جبکہ وائرس سے 200 افراد جاں بحق ہوچکے ہیں۔
