جنوبی افریقا نے آئی سی سی چیمپئنز ٹرافی 2025 کے لیے اسکواڈ کا اعلان کر دیا۔
جنوبی افریقا نے آئی سی سی مینز چیمپئنز ٹرافی 2025 کے لیے اپنے 15 رکنی اسکواڈ کا اعلان کر دیا ہے، ٹیمبا باوما ٹیم کی قیادت کر رہے ہیں۔
اسکواڈ میں اسٹار پیسر اینریچ نورٹجے اور لونگی نگیڈی کی واپسی ہوئی ہے جو اس سے قبل انجری کی وجہ سے باہر ہوگئے تھے۔
نورٹجے، کمر میں تناؤ کے فریکچر سے صحت یاب ہو کر ستمبر 2023 کے بعد اپنا پہلا ون ڈے میچ کھیلیں گے۔ وہ آئی سی سی کرکٹ ورلڈ کپ 2023 اور جنوبی افریقہ کے ہوم سیزن سے محروم رہے۔
نگیڈی نے بھی کمر کی چوٹ کی وجہ سے اکتوبر 2024 سے باہر ہونے کے بعد واپسی کی ہے۔
جنوبی افریقا نے 2023 کرکٹ ورلڈ کپ کے سیمی فائنل میں پہنچنے والی ٹیم کے 10 کھلاڑیوں کو برقرار رکھا۔ اسکواڈ میں نئے چہروں میں ٹونی ڈی زورزی، ریان رکیلٹن، ٹریسٹن اسٹبس، اور ویان مولڈر شامل ہیں، یہ سبھی 50 اوور کے آئی سی سی ٹورنامنٹ میں اپنا ڈیبیو کر رہے ہیں۔
جنوبی افریقہ اسکواڈ:
ٹیمبا باووما (کپتان)، ٹونی ڈی زورزی، مارکو جانسن، ہینرک کلاسن، کیشو مہاراج، ایڈن مارکرم، ڈیوڈ ملر، ویان مولڈر، لونگی نگیڈی، اینریچ نورٹجے، کاگیسو ربادا، ریان رکیلٹن، تبریز شمسی، ٹرسٹن سٹبس راسی وین ڈیر ڈوسن۔
