قبیخا: جنوبی افریقہ میں ایک سال گرہ کی تقریب میں 2 جنونیوں نے شرکا پر اندھا دھند گولیاں برسانا شروع کر دیں، جس سے میزبان سمیت 8 افراد ہلاک ہو گئے۔
تفصیلات کے مطابق اتوار کی رات جنوبی افریقہ کے مشرقی کیپ صوبے کے شہر قبیخا میں سالگرہ کی ایک تقریب کے دوران اندھا دھند فائرنگ کے نتیجے میں آٹھ افراد ہلاک اور 3 زخمی ہو گئے۔
غیر ملکی میڈیا رپورٹس میں کہا گیا ہے کہ ووسمزی سیشوبا، جو اپنی 51 ویں سالگرہ منا رہے تھے، مرنے والوں میں شامل ہیں۔
یہ واقعہ جنوبی افریقہ کے شہر قبیخا میں پیش آیا جس کا سابقہ نام پورٹ الزبتھ تھا، تقریب میں 2 لوگوں نے فائرنگ کی تھی، دونوں حملہ آور فرار ہو گئے، تاہم پولیس نے ملزمان کی تلاش شروع کر دی ہے۔
BREAKING NEWS
Seven people have been killed in a shooting in KwaZakhele, Gqeberha, Eastern Cape in a birthday Party. Police and emergency personnel are on the scene
Developing News pic.twitter.com/MX731pOAN3
— News Live SA (@newslivesa) January 29, 2023
پولیس کا کہنا ہے کہ کوزاخیلے ٹاؤن شپ میں ایک ہاؤس پارٹی میں شرکا رقص میں مصروف تھے کہ نامعلوم مسلح افراد نے مہمانوں پر ’اندھا دھند‘ گولیاں چلا دیں۔
A 51st birthday party ended in bloodshed in KwaZakhele, Gqeberha, this weekend. Eight people were killed and three injured when gunmen stormed the house and opened fire. Police Minister Bheki Cele visited the area and promised swift police action. #DStv403 #eNCA pic.twitter.com/JRsB9Ur0Ep
— eNCA (@eNCA) January 30, 2023
مرنے والوں میں 5 مرد اور 3 خواتین شامل ہیں، جن کی عمریں 20 سے 64 سال ہے۔ پولیس نے عوام سے فائرنگ کرنے والوں کے بارے میں معلومات شیئر کرنے کی اپیل کی ہے، حملے کے پیچھے محرکات بھی معلوم نہیں ہو سکے ہیں۔