The news is by your side.

Advertisement

جنوبی افریقہ اور انگلینڈ کی ون ڈے سیریز خطرے میں پڑ گئی

جوہانسبرگ: جنوبی افریقہ اور انگلینڈ کے درمیان کھیلی جانے والی ون ڈے سیریز خطرے میں پڑ گئی۔

تفصیلات کے مطابق انگلینڈ اسکواڈ کے 2 ارکان کے کورونا ٹیسٹ مثبت آنے پر دونوں ٹیموں کے درمیان کھیلا جانے والا پہلا ون ڈے میچ منسوخ ہوگیا۔

خصوصی ماحول میں موجود ہوٹل اسٹاف کے دو ممبران کے ٹیسٹ بھی مثبت آئے ہیں۔

رپورٹ کے مطابق کورونا ٹیسٹ مثبت آنے پر کھلاڑی اور اسٹاف فوری طور پر آئسولیشن میں چلے گئے، سیریز کے بقیہ میچز کا فیصلہ جلد کیا جائے گا۔

واضح رہے کہ انگلینڈ نے جنوبی افریقہ کو ٹی ٹوینٹی سیریز میں 3-0 سے کلیب سوئپ کیا تھا۔

دونوں ٹیموں کے درمیان تین ون ڈے میچز کی سیریز کھیلی جانی ہے جس کے امکانات کم ہی نظر آرہے ہیں۔

اس سے قبل جنوبی افریقہ کے دو ارکان کے کورونا ٹیسٹ بھی مثبت آئے تھے، ان کھلاڑیوں کو قرنطینہ کردیا گیا تھا اور انہوں نے ٹی ٹوینٹی سیریز میں بھی حصہ نہیں لیا تھا۔

Comments

یہ بھی پڑھیں