کرکٹ کے عالمی نگراں ادارے نے جنوبی افریقا کو پاکستان کے خلاف پہلے ٹی ٹوئنٹی میں سلو اوور ریٹ پر جرمانہ کر دیا۔
انٹرنیشنل کرکٹ کونسل آئی سی سی کی جانب سے جاری اعلامیہ کے مطابق جنوبی افریقا کو مقررہ وقت کی پابندی نہ کرنے پر میچ فیس کا 20 فیصد جرمانہ کیا گیا۔
میچ ریفری نے اینڈی پائی کرافٹ نے ٹائم الاؤنس میں بھی مقررہ اوورز نہ کرنے پر جنوبی افریقا کو تاخیر کا مرتکب قرار دیا۔
آئی سی سی کے کوڈ آف کنڈکٹ 2.22 کے مطابق مقررہ وقت کے بعد ہر اوور میں تاخیر پر جرمانہ کیا تجویز کیا گیا ہے۔
محمد رضوان کی جارحانہ اننگز کی بدولت پہلے ٹی ٹوینٹی میچ میں پاکستان نے جنوبی افریقہ کو 4 وکٹوں سے شکست دی۔
پہلے ٹی ٹوینٹی میچ میں پاکستان نے جنوبی افریقا کی جانب سے دیا جانے والا 189 رنز کا ہدف 6 وکٹوں کے نقصان پر حاصل کرلیا، محمد رضوان نے 74 رنز کی ناقابل شکست اننگز کھیلی۔
