جنوبی افریقہ کے چڑیا گھر کے آخری ہاتھی کو چالیس سال تک قید میں رکھنے کے بعد واپس جنگل میں چھوڑ دیا گیا ہے۔
برطانوی نشریاتی ادارے بی بی سی کی رپورٹ کے مطابق چارلی نامی اس ہاتھی کو 1984 میں زمبابوے کے ہوانگ نیشنل پارک سے اس وقت پکڑا گیا جب وہ دو سال کا تھا۔
اسے جنوبی افریقہ میں بوسویل ولکی سرکس لے جایا گیا اور کرتب دکھانے کی تربیت دی گئی۔ 2000کی دہائی کے اوائل میں اسے ملک کے واحد قومی چڑیا گھر میں منتقل کر دیا گیا تھا۔
حالیہ برسوں میں جانوروں کی فلاح و بہبود کے گروپوں نے ہاتھی کی صحت کے لیے تشویش کی وجہ سے اسے آزاد کرنے پر زور دیا ہے۔
منگل کے روز ای ایم ایس فاؤنڈیشن جو جنگلی حیات کے حقوق کی وکالت کرتی ہے نے اعلان کیا کہ آزادی کے لیے چار گھنٹے کے سفر کے بعد ہاتھی صوبہ لیمپوپو کے شمبالا پرائیویٹ ریزرو میں اپنے نئے گھر پہنچ گیا ہے۔
اعلان میں کہا گیا ہے کہ "تاریخی واقعہ” جنوبی افریقی حکومت کے ساتھ برسوں کی بات چیت کے بعد ہوا، جب ای ایم ایس فاؤنڈیشن اور اس کے شراکت داروں نے یہ ظاہر کرنے کے لیے سائنسی ثبوت فراہم کیے کہ چڑیا گھروں میں ہاتھیوں کو تکلیف ہوتی ہے۔
چڑیا گھر میں چارلی ہاتھی کے بارے میں کہا جاتا ہے کہ اس نے چار دیگر ہاتھیوں کی موت کا مشاہدہ کیا، جن میں اس کا اپنا بچھڑا بھی شامل ہے جس کی عمر ایک ماہ سے بھی کم تھی۔
ہاتھیوں کا نیا گھر 10ہزار ہیکٹر پر مشتمل ایک ریزرو ہے جس میں ہاتھیوں کی بڑھتی ہوئی آبادی ہے جو جانوروں کو دوبارہ جنگلی میں کامیابی سے ضم کرنے کے لیے جانا جاتا ہے۔
فاؤنڈیشن عہدیدار نے کہا کہ ہمارا خواب یہ ہے کہ اپنی رفتار سے، چارلی وہ ہاتھی بننا سیکھے گا جس کا وہ ہمیشہ سے ہونا چاہتا تھا اور جلد ہی وہ شمبالہ پر موجود ہاتھیوں کی کمیونٹی سے مل کر ضم ہو جائے گا۔
