کیپ ٹاؤن، کرپٹ تاجر کے اہل خانہ سے خفیہ ملاقاتوں‌ کا اعتراف، وزیر خزانہ نے استعفیٰ دے دیا -
The news is by your side.

Advertisement

کیپ ٹاؤن، کرپٹ تاجر کے اہل خانہ سے خفیہ ملاقاتوں‌ کا اعتراف، وزیر خزانہ نے استعفیٰ دے دیا

وزیر خزانہ نے منگل کے روز خفیہ مٹینگ کا انکشاف کرتے ہوئے اپنے عہدے سے مستعفیٰ ہونے کا اعلان کیا

کیپ ٹاؤن: جنوبی افریقہ کے وزیرخزانہ نھل انہلا نینے نے کرپشن اسکینڈل میں نامز مشہور کاروباری شخصیت کے اہل خانہ سے خفیہ ملاقاتیں کرنے کا اعتراف کرتے ہوئے سرکاری عہدے سے استعفیٰ دے دیا۔

فرانسیسی خبر رساں ادارے کی رپورٹ کے مطابق جنوبی افریقہ کے وزیر خزانہ نے منگل کے روز خفیہ مٹینگ کا انکشاف کرتے ہوئے اپنے عہدے سے مستعفیٰ ہونے کا اعلان کیا۔

نینے کا شمار  جنوبی افریقا کے صدر سرل رامپہوسا کے قریبی ساتھیوں اور وزرا میں ہوتا ہے جنہوں نے حکومت کو مشکلات سے نکالنے میں اہم کردار ادا کیا۔

مزید پڑھیں: کرپشن اور رشوت خوری کا الزام، انٹرپول چیف کا مستعفیٰ ہونے کا اعلان

میڈیا رپورٹس کے مطابق وزیرخزانہ کی کرپشن اسکینڈل میں نامزد کاروباری شخصیت سے ملاقات دراصل صدر کی خفیہ ڈیل کے حوالے سے کی تھی۔

وزیرخزانہ نے گزشتہ ہفتے عدالتی تحقیقات کے دوران اعتراف کیا تھا کہ اُن کی گپتا فیملی سے 6 ملاقاتیں گھر اور سرکاری دفتر میں ہوئیں جنہیں خفیہ رکھا گیا تھا۔

اب سے کچھ دیر قبل وزیر خزانہ نے سرکاری میڈیا سے براہ راست خطاب کرتے ہوئے اپنے عہدےسے مستعفیٰ ہونے کا اعلان کیا۔ اُن کا کہنا تھا کہ ’مستعفیٰ ہونے کا مقصد یہ ہے کہ عوام کا حکومت پر اعتماد برقرار رہے اور جب تک عدالت فیصلہ نہیں کرتی میں سرکاری عہدہ نہ رکھوں’۔

یہ بھی پڑھیں: جنوبی کوریا کے سابق صدر کو کرپشن الزامات میں 15 برس قید

وزیرخزانہ  نے قوم کے نام ایک معافی نامہ بھی لکھا جس میں انہوں نے ملاقات کا اعتراف کرتے ہوئے قوم سے معافی مانگی اور کہا کہ یہ اقدام جیسے بھی ہوا مگر ملک کے لیے غلط تھا جس کا احساس مجھے بعد میں ہوا۔

Comments

comments

یہ بھی پڑھیں