امریکی صدر ڈونلڈ ٹرمپ کی جانب سے جنوبی افریقا کے صدر سیرل رامافوسا کے سامنے سفید فاموں کی نسل کشی کی ویڈیو ثبوت جعلی نکلے۔
امریکی صدر ڈونلڈ ٹرمپ کی وائٹ ہاؤس میں جنوبی افریقا کے صدر سیرل رامافوسا سے ملاقات میں سفید فاموں کی نسل کشی اور زمینوں پر قبضےکا بھی ذکر آیا اس دوران کچھ ویڈیو ثبوت بھی پیش کیے گئے۔
خبر رساں ادارے روئٹرز کا کہنا ہے صدر ٹرمپ نے اپنے الزامات کو درست ثابت کرنے کے لیے جو تصاویر پیش کیں وہ دراصل ادارے کی ایک ویڈیو کے اسکرین شاٹس ہیں جو وسطی افریقی ملک کانگو میں بنائی گئی تھیں۔
اوول آفس میں رامافوسا کو روئٹرز کی ویڈیو کا اسکرین شاٹ دکھاتے ہوئے ٹرمپ نے کہا تھا یہ سب سفید فام کسان ہیں جنہیں دفنایا جا رہا ہے۔
روئٹرز کا کہنا ہے یہ ویڈیو 3 فروری کی ہے اور اس میں کانگو کے شہر گوما میں سماجی کارکنوں کو لاشوں کے باڈی بیگز اٹھاتے ہوئے دکھایا گیا ہے، صدر ٹرمپ نے امیریکن تھنکر نامی میگزین کی تحریر بھی شیئر کی جس میں دراصل یہ تصویر استعمال کی گئی تھی۔
روئٹرز میگزین کی ایڈیٹر اینڈریو وڈبرگ کا کہنا ہے صدر ٹرمپ نے تصویر کو پہچاننے میں غلطی کی ہے، متعلقہ ویڈیو بنانے والے روئٹرز کے صحافی نے کہا صدر ٹرمپ کے ہاتھ میں اپنی ویڈیو کاا سکرین شاٹ دیکھ کر بہت حیرت ہوئی۔
روئٹرز میگزین کی ایڈیٹر نے کہا کہ ساری دنیا کے سامنے صدر ٹرمپ نے میرے امیج کو استعمال کیا، میری ویڈیو جو میں نے کانگو میں فلم کی تھی اس کو استعمال کیا صدر رامافوسا کو یہ باور کروانے کے لیے ان کے ملک میں سفید فام کو سیاہ فام قتل کر رہے ہیں۔
