جنوبی کوریا بچوں کی پرورش کے لحاظ سے دنیا کا مہنگا ترین ملک ہے۔
بیجنگ میں قائم پاپولیشن ریسرچ انسٹی ٹیوٹ کی سالانہ رپورٹ کے مطابق جنوبی کوریا 18 سال کی عمر تک کے بچے کی پرورش کے لحاظ سے دنیا کا سب سے مہنگا ملک ہے، اس وجہ سے ملک میں خواتین میں بارآوری کی گرتی ہوئی شرح اور آبادی کے بحران کی اہم وجہ قرار دیا جا رہا ہے۔
تحقیقی رپورٹ کے مطابق جنوبی کوریا کو بچوں کی پرورش کے لحاظ سے مہنگے ترین ملکوں کی فہرست میں سرفہرست رکھا ہے جہاں ایک بچے پر خرچ مجموعی طور پر گھریلو پیداوار (جی ڈی پی) 7.79 گنا ہے، جو تقریباً دو لاکھ 71 ہزار 957 ڈالر ہوتا ہے۔
اس رپورٹ کے مطابق جنوبی کوریا کے بعد دوسرے نمبر پر چین ہے، جہاں بچے کی پرورش کی لاگت فی کس جی ڈی پی کا 6.9 گنا ہے،
ایک طرف جہاں بچوں کی پرورش پر اخراجات میں اضافہ ہو رہا ہے وہیں دنیا کی دسویں سب سے بڑی معیشت میں بچوں کی پیدائش کی تعداد کم ہو رہی ہے۔
مارچ میں جاری کردہ اعداد و شمار سے پتہ چلتا ہے کہ جنوبی کوریا میں خواتین میں بارآوری کی شرح 0.78 ہے یعنی ہر 100خواتین میں سے صرف 78 خواتین نے اپنی زندگی میں صرف ایک بچہ پیدا کیا ہے۔
یہ دنیا میں بارآوری کی سب سے کم شرح ہے اور سن 2000 کے مقابلے میں اس میں 1.48فیصد کی گراوٹ آئی ہے 1980 میں جنوبی کوریا میں بارآوری کی شرح 2.82 فیصد جب کہ 1960میں 5.95 تھی۔
ماہرین کا کہنا ہے کہ اس طرح کے ممالک کو امیگریشن کا سہارا لیے بغیر اگر آبادی کو مستحکم رکھنا ہے تو بارآوری کی شرح کو 2.1 تک پہنچانے کی ضرورت ہے۔
