The news is by your side.

جنوبی کوریا میں کورونا میں مبتلا چینی شہری قرنطینہ سینٹر سے فرار، حکام کی دوڑیں لگ گئیں

جنوبی کوریا میں کورونا میں مبتلا چینی شہری قرنطینہ فیسیلیٹی سینٹر سے فرار ہوگیا، تاہم پولیس نے شخص کو ڈھونڈنے کے لئے دن رات ایک کردیے۔

تفصیلات کے مطابق چینی شخص نے جنوبی کورین حکام کی دوڑیں لگوا دیں، کورونا وائرس کا شکار چینی شہری قرنطینہ فیسیلیٹی سینٹر سے  فرار ہو گیا۔

جنوبی کوریا کی پولیس نے ایک چینی مسافر کی تلاش شروع کر دی ہے، پکڑا گیا تو ایک سال قید یا پھر سات ہزار ڈالر جرمانے کی سزا ہو گی۔

چین سے آنے والی پروازوں میں انچیون ہوائی اڈے پر پہنچنے پر 41 سالہ مسافر کا کوویڈ ٹیسٹ کیا گیا ، مثبت ٹیسٹ کے بعد مسافر کو دارالحکومت سیئول کے قریب ہوٹل میں قرنطینہ کیا گیا۔

پولیس نے بتایا کہ چینی شہری نے الگ تھلگ ہونے سے انکار کر دیا اور ہوٹل سے فرار ہو گیا۔

کوریا جونگ اینگ ڈیلی نے رپورٹ میں بتایا ہے کہ سی سی ٹی وی فوٹیج سے ظاہر ہوتا ہے کہ مسافر کو آخری بار جزیرے کے جنگ ضلع میں ایک ڈسکاؤنٹ اسٹور پر دیکھا گیا تھا۔

پولیس اہلکار کم جو ینگ کا کہنا تھا کہ اس شخص کو ملک بدر کر دیا جائے گا اور ایک مخصوص مدت کے لیے ملک میں داخلے پر پابندی لگا دی جائے گی۔”

خیال ہے جنوبی کوریا نے چین کورونا کی نئی لہر کے پیش نظر چین سے آنے والوں کے لئے کورونا وائرس ٹیسٹ لازمی قرار دیا تھا۔

Comments

یہ بھی پڑھیں