The news is by your side.

Advertisement

بھارت کو جنوبی افریقہ کے ہاتھوں ون ڈے سیریز میں بھی شکست

پرل: جنوبی افریقہ نے بھارت کو دوسرے ون ڈے میں تین وکٹوں سے شکست دے کر تین میچوں کی سیریز میں 2-0 کی فیصلہ کن برتری حاصل کرلی۔

تفصیلات کے مطابق دوسرے ون ڈے میچ میں جنوبی افریقہ نے بھارت کی جانب سے دیا جانے والا 288 رنز رنز کا ہدف 48.1 اوورز میں تین وکٹوں کے نقصان پر باآسانی حاصل کرلیا، کوئٹن ڈی کاک کو 78 رنز کی شاندار اننگز کھیلنے پر میچ کا بہترین کھلاڑی قرار دیا گیا۔

جنوبی افریقہ کے اوپنر جانیمن ملان نے 91 رنز کی اننگز کھیلی، کپتان ٹیمبا باووما 35 رنز کے ساتھ نمایاں رہے، ایڈن مرکرام اور وین ڈر ڈوسن 37، 37 رنز بنا کر ناٹ آؤٹ رہے۔

بھارت کی جانب سے جسپریت بمرا، یوزویندر چاہل اور شردل ٹھاکر نے ایک، ایک وکٹ حاصل کی۔

اس سے قبل بھارت نے اپنی اننگز میں مقررہ اوورز میں 6 وکٹوں کے نقصان پر 287 رنز بنائے تھے، رشبھ پنت نے 71 گیندوں پر 85 رنز کی اننگز کھیلی، کپتان کے ایل راہول 55 رنز بنا کر نمایاں رہے۔

ویرات کوہلی بغیر کوئی رن بنائے کیشو مہاراج کا نشانہ بنے، شردل ٹھاکر نے 40 اور ایشون نے 25 رنز بنائے۔

جنوبی افریقہ کے تبریز شمسی نے دو کھلاڑیوں کو پویلین کی راہ دکھائی، کیشو مہاراج، مگالا، ایڈم مرکرام نے ایک، ایک وکٹ حاصل کی۔

Comments

یہ بھی پڑھیں