المکلہ: یمن میں حوثی باغیوں کا حملہ 23 فوجی ہلاک اور بارہ زخمی ہوگئے۔
غیرملکی خبر رساں ایجنسی کی رپورٹ کے مطابق حوثی باغیوں نے صوبے لحج اور البیضا کے سرحدی علاقے میں حملہ کیا، حملے میں 23 فوجی ہلاک جبکہ 12 یمنی فوجی زخمی بھی ہوئے ہیں۔
تاہم یمنی سرکاری حکام کا کہنا ہے کہ حوثی باغیوں نے لحج، ماریب اور تعز میں رہائشی محلوں اور فوجی اہداف پر اپنے مہلک حملے جاری رکھے ہیں۔
واضح رہے کہ یمن میں خانہ جنگی کا آغاز 2014 میں اس وقت ہوا جب حوثی باغیوں نے دارالحکومت صنعاء پر قبضہ کرنے کا اعلان کیا۔ جس کے بعد اسے اب تک جنگ کے دوران 4 لاکھ سے زائد یمنی شہری لقمہ اجل بن چکے ہیں۔
اس تنازع کی وجہ سے لاکھوں افراد قحط سالی شکار ہو رہے ہیں، اقوام متحدہ نے اس تنازع کو دنیا کا بدترین انسانی المیہ قرار دیا ہے کیونکہ یمن میں لاکھوں افراد خوراک اور طبی سہولیات کی کمی کا شکار ہیں اور یہ لڑائی ملک کو قحط کے دہانے پر لے آئی ہے۔
