اسلام آباد : موڈیز اور فچ کے بعد ایک اور ریٹنگ ایجنسی نے پاکستان کا آؤٹ لک مستحکم سے منفی کر دیا، ایس اینڈ پی نے پاکستان کی کرنسی اور سکوک ٹرسٹ سرٹیفیکیٹس کو’ بی منفی’ کی توثیق کی۔
تفصیلات کے مطابق موڈیز اور فچ کے بعد اسٹینڈرڈ اینڈ پور ( ایس اینڈ پی) ریٹنگ ایجنسی نے بھی پاکستان کی آوٹ لک مستحکم سے منفی کر دیا۔
ریٹنگ ایجنسی نے بتایا ہے کہ لونگ ٹرم ریٹنگ ‘بی منفی’ اور کم مدتی خودمختار کریڈٹ ریٹنگ کو’ بی’ کا درجہ دیا ہے، پاکستان کی کرنسی اور سکوک ٹرسٹ سرٹیفیکیٹس کو’ بی منفی’ کی توثیق کی ہے۔
ایجنسی کے مطابق مہنگائی، سخت عالمی مالیاتی حالات اور کمزور روپے کی وجہ سے بیرونی پوزیشن کمزور ہوئی ہے، ملک میں بہتری زرمبادلہ کے ذخائر میں اضافہ سے آسکتی ہے۔
آئی ایم ایف سے فنڈ ملنے کے باوجود پاکستان بیرونی وسائل کے دباوکا شکار رہ سکتا ہے، بڑھتی ہوئی قیمتوں کی وجہ سے نئے چیلنج کا سامنا ہو گا۔
