The news is by your side.

Advertisement

کروناوائرس: خلائی ادارے نے خصوصی وینٹی لیٹر کی تیاری شروع کردی

واشنگٹن: کروناوائرس کی تباہ کاریوں کے پیش نظر امریکی خلائی ادارے نے خصوصی وینٹی لیٹر کی تیاری شروع کردی، جس کا مقصد قیمتی جانوں کے مزید ضیاع کو روکنا ہے۔

غیرملکی خبررساں ادارے کی رپورٹ کے مطابق ’’ورجن اوبٹ‘‘ نامی خلائی کمپنی سیاروں اور خلاؤں سے متعلق تحقیق کے ساتھ ساتھ کروناوائرس سے لڑنے کے لیے بھی میدان میں آگئی۔

کمپنی کے بانی ’’سر ریچرڈ برانسن‘‘ کروناوائرس کے متاثرہ مریضوں کی مدد اور انہیں طبی سہولت فراہم کرنے کے لیے وینٹی لیٹر تیار کررہے ہیں۔ ادارے کا کہنا ہے کہ عموماً ہم خلا میں بھیجنے کے لیے راکٹ ودیگر آلات تیار کرتے ہیں، ہم طب کے ماہرین یا پھر ڈاکٹر نہیں ہیں۔

وینٹی لیٹر مشینیں کرونا سے کیسے لڑیں گی؟

’’لیکن ہمارے پاس ایسے مفکرین موجود ہیں جو کسی بھی منصوبے کی تیاری اور اسے عملی جامع پہنانے کی بھرپور صلاحیت رکھتے ہیں۔ وینٹی لیٹر کی تیاری میں یونیورسٹی آف کیلی فورنیا اور یونیورسٹی آف ٹیکساس کا خصوصی تعاون حاصل ہے۔ حالات کی سنجیدگی کو دیکھتے ہوئے حکومتی اور نجی اداروں کو مل کر کام کرنا چاہیے‘‘۔

کمپنی کے سی ای او ڈین ہرٹ کا کہنا ہے کہ جان لیوا وبائی مرض سے ہونے والی اموات سے دل بہت رنجیدہ ہے، ڈاکٹرز اور طبی عملہ ہر ممکن کردار ادا کررہا ہے۔ ممکنہ طور پر اپریل تک وینٹی لیٹر تیار کرلیے جائیں گے۔

fb-share-icon0
Tweet 20

Comments

comments

یہ بھی پڑھیں