اسپین میں ذہنی معذور افراد کے ہوم کیئر میں اچانک خوفناک آگ بھڑک اُٹھی، جس کے نتیجے میں 10افراد لقمہ اجل بن گئے۔
بین الاقوامی خبر رساں ادارے کی رپورٹ کے مطابق اسپین کے ٹاؤن ولافرانکا ڈی ایبرو میں بزرگ افراد کیلئے ہوم کیئر قائم کیا گیا ہے، جہاں ذہنی طور پر معذور عمر رسیدہ افراد کا خیال رکھا جاتا ہے۔
گزشتہ روز یہاں اچانک آگ بھڑک اٹھی جس کے باعث عمارت میں دھواں بھر گیا، بتایا جارہا ہے کہ ہوم کیئر میں 82 افراد رہائش پزیر تھے۔
فائر بریگیڈ کا عملہ آگ کی اطلاع ملتے ہی فوری موقع پر پہنچ گیا جس نے آگ پر قابو پایا اور زخمیوں و لاشوں کو اسپتال منتقل کردیا گیا ہے۔
غیر ملکی میڈیا کا کہنا ہے کہ خوفناک آگ کے باعث 10افراد موقع پر ہی زندگی کی بازی ہار گئے، جبکہ 2 اسپتال میں زیر علاج ہیں جن میں سے ایک کی حالت تشویشناک بتائی جارہی ہے
بچوں کے وارڈ میں آگ لگنے سے 10 بچے زندہ جل گئے
انتظامیہ کی جانب سے شک ظاہر کیا گیا ہے کہ آگ کمرے میں موجود گدے پر لگی جس نے دیکھتے ہی دیکھتے دیگر کمروں کو بھی اپنی لپیٹ میں لے لیا۔
