The news is by your side.

Advertisement

امریکی صدر ڈونلڈ ٹرمپ کی ہم شکل خاتون سامنے آگئیں

میڈرڈ: اسپین کے کھیتوں میں کام کرنے والی امریکی صدر ڈونلڈ ٹرمپ کی ہم شکل خاتون سامنے آگئیں۔

تفصیلات کے مطابق امریکی صدر ڈونلڈ ٹرمپ کی ہم شکل بوڑھی خاتون کی تصویر سوشل میڈیا ویب سائٹ انسٹا گرام پر وائرل ہوگئی، تصویر کو اب تک 8000 لوگوں نے پسند کیا ہے جبکہ 4700 افراد ری ٹویٹ کرچکے ہیں۔

بزرگ خاتون ڈولوریس اینٹیلو کا تعلق اسپین کے شمال مشرقی علاقے کبانا دی برگنتیسنوس سے ہے، بوڑھی خاتون 40 برس سے اسی علاقے میں رہاش پذیر ہیں ان کے پاس نہ تو ٹی وی ہے اور نہ ہی موبائل فون۔

Dolores Leis, onte, en Nantón ✍️🌾🌱

A post shared by P a u l a (@trintadenovembro) on

خاتون ڈولوریس اینٹیلو کو شاید یہ بھی علم نہیں ہے کہ ڈونلڈ ٹرمپ امریکی صدر ہیں لیکن ان کی ہم شکل ہونے کی وجہ سے ان کی تصویر راتوں رات مقبول ہوگئی ہے۔

مقامی ٹی وی کے نمائندے جب ان سے انٹرویو لینے پہنچے تو خاتون کا کہنا تھا کہ میں نہیں جانتی کہ ٹرمپ کون ہیں تاہم گاؤں کے لوگ اب مجھے ڈونلڈ ٹرمپ کی کزن کہہ کر پکارنا شروع ہوگئے ہیں۔

ٹولوریس اینٹیلو کی بیٹی اینا کا کہنا ہے کہ میں بہت پرجوش ہوں کہ میری ماں ڈونلڈ ٹرمپ کی ہم شکل ہیں، کاش ہمارا تعلق بھی ڈونلڈ ٹرمپ کی فیملی سے ہوتا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں