تازہ ترین

قومی و صوبائی اسمبلیوں کی 21 نشستوں پر ضمنی الیکشن کیلیے پولنگ ختم

اسلام آباد: قومی اور صوبائی اسمبلیوں کی 21 نشستوں...

پاکستان پر حملہ آور ایک اور افغان دہشت گرد بے نقاب

پاکستان پر حملہ آور 1 اور افغان دہشتگرد بے...

’پاکستان کیلیے آئی ایم ایف اور ورلڈ بینک سے اچھی خبریں آئیں گی‘

امریکا میں پاکستان کے سفیر مسعود خان نے کہا...

پاکستان کے بیلسٹک میزائل پروگرام کے حوالے سے ترجمان دفتر خارجہ کا اہم بیان

اسلام آباد : پاکستان کے بیلسٹک میزائل پروگرام کے...

شام میں پھنسے پاکستانیوں کی واپسی کے انتظامات مکمل

کراچی: شام میں تعینات پاکستانی سفیر کی درخواست پر پھنسے پاکستانیوں کی واپسی کیلئے قومی ائیرلائن (پی آئی اے) نے طیارہ بھیجنے کے انتظامات کرلیے ہیں۔

تفصیلات کے مطابق دو روز قبل شام میں اسرائیلی فورسز کی بمابری کے نیتجے میں دارالحکومت دمشق کے ایئرپورٹ کو شدید نقصان پہنچا تھا جس کے باعث فلائٹ آپریشن معطل ہے، آپریشن کی معطلی کے باعث شام میں زیارتوں کیلئے گئے 160 پاکستانی بھی محصور ہوگئے ہیں۔

پاکستانیوں کے محصور ہونے کی اطلاعات پر وزیر خارجہ بلاول بھٹو نے پاکستانیوں کی فوری وطن واپسی یقینی بنانے کی ہدایت کی تھی، جبکہ شام میں تعینات پاکستانی سفیر نے سی ای او پی آئی اے اور حکومت پاکستان کو بھی مکتوب لکھا تھا۔

سفیر پاکستان نے مکتوب میں پاکستانیوں کی واپسی کیلئے شام کے شہر حلب پروازیں بھیجنے کا کہا ہے، مکتوب ملنے کے بعد وزیر ہوا بازی کی ہدایت پر پی آئی اے نے طیارہ بھیجنے کے انتظامات کرلیے ہیں۔ پاکستانیوں کی واپسی کیلئے پروز 13 جون کو روانہ ہوگی۔

یہ بھی پڑھیں: شام میں پھنسے پاکستانیوں کی فوری وطن واپسی یقینی بنانے کی ہدایت

وزارت ہوا بازی کے مطابق پہلے مرحلے میں پاکستانیوں کو دمشق سے بذریعہ بس حلب منتقل کیا جائے گا، جہاں سے پی آئی اے کا طیارہ پاکستانیوں کو وطن واپس لے کر آئے گا۔

ان کا کہنا تھا کہ پروازوں سے تمام زائرین 24 گھنٹے میں وطن پہنچنا شروع ہوجائیں گے۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں