آرمی چیف جنرل قمر جاوید باجوہ نے کہا ہے کہ پاکستان یورپی یونین کےساتھ تعلقات کوقدرکی نگاہ سے دیکھتا ہے۔
آئی ایس پی آر کے مطابق آرمی چیف سے یورپی یونین کے نمائندہ خصوصی انسانی حقوق ایمون گلمور نے ملاقات کی جس میں باہمی دلچسپی کے امور اور افغانستان کی صورتحال پر تبادلہ خیال کیا گیا۔
ملاقات میں علاقائی سلامتی کی اوریورپی یونین کے ساتھ تعلقات پر بھی گفتگو کی گئی۔
آرمی چیف جنرل قمر جاوید باجوہ نے کہا کہ پاکستان یورپی یونین کےساتھ تعلقات کو قدر کی نگاہ سے دیکھتا ہے باہمی مفاد کثیر ڈومین پر مبنی تعلقات کو بڑھانےکےلیے پرُعزم ہیں۔
ایمون گلمور نےخطےمیں امن واستحکام کیلئےپاکستان کی کوششوں کوسراہا، نمائندہ خصوصی ای یونےپاکستان کے ساتھ تعلقات میں مزیدبہتری کایقین بھی دلایا۔
