The news is by your side.

Advertisement

باکسر محمد وسیم کے لیے خصوصی شیلڈ

اسلام آباد: پاکستان کے باصلاحیت اور حال ہی میں سابق عالمی چیمپئن کو شکست دینے والے باکسر محمد وسیم کو اسلام آباد پولیس کی جانب سے خصوصی شیلڈ پیش کی گئی۔

تفصیلات کے مطابق باکسر محمدوسیم نے آئی جی اسلام آباد محمد عامرذوالفقار سے ملاقات کی، اس موقع پر آئی جی کھلاڑی کے معترف ہوگئے اور پاکستان کا نام روشن کرنے پر مبارکباد دی۔

آئی جی اسلام آباد نے محمدوسیم کو اپنے دفتر میں چائے پر مدعو کیا تھا، محمد عامر ذوالفقار نے باکسر کی پاکستان کے لیے خدمات کو سراہا اور مستقبل میں بھی بہتر پرفارمنس کے لیے نیک خواہشات کا اظہار کیا۔

آئی جی کا کہنا تھا کہ محمدوسیم نے دنیا میں باکسنگ میں پاکستان کا نام روشن کیا، اس موقع پر آئی جی نے اسلام آباد پولیس کی طرف سے خصوصی شیلڈ پیش کی۔

فائٹ جیت کر ملک کا نام روشن کرنے پر بہت خوشی ہے: محمد وسیم

خیال رہے کہ محمدوسیم میکسیکن حریف کو ہرا کر ٹائٹل جیتنے کے بعد گزشتہ روز وطن واپس پہنچے، اسلام آباد ایئرپورٹ پر پاکستان اسپورٹس بورڈ کے افسرکیپٹن ریٹائرڈ اشرف نے ان کا پرتپاک استقبال کیا۔ میڈیا سے گفتگو کرتے ہوئے باکسر کا کہنا تھا کہ مقابلہ جیتنے پر بے حدخوشی ہے۔

انہوں نے یہ بھی کہا کہ اسپین میں شارٹ کیمپ ہے، اگلے ہفتےجاؤں گا، جیت پر سب مداحوں کا شکرگزار ہوں، پاکستان کانام روشن کرتا رہوں گا، ملک میں باکسنگ کو فروغ دینے کی بھی کوشش کریں گے، نوجوان باکسرز محنت جاری رکھیں۔

واضح رہے کہ دبئی میں ہونے والی فائٹ میں محمدوسیم نے میکسیکو کےحریف گینگان لوپیز کو شکست دی تھی۔

fb-share-icon0
Tweet 20

Comments

comments

یہ بھی پڑھیں