ریاض: سعودی عرب میں متحدہ ریاست کے قیام کی 92 ویں سالگرہ کے موقع پر سعودی ایئر پورٹس پر مسافروں کے پاسپورٹ پر خصوصی مہر لگائی گئی۔
اردو نیوز کے مطابق سعودی محکمہ پاسپورٹ نے مملکت کے 92 ویں یوم وطنی کے موقع پر سعودی ایئر پورٹس سے سفر کرنے اور بری راستے سے مملکت پہنچنے والے مسافروں کے پاسپورٹ پر خصوصی مہر لگانے کا اہتمام کیا ہے۔
محکمہ پاسپورٹ کے افسران نے جمعہ 23 ستمبر کو مملکت کے ایئرپورٹس، بندرگاہوں اور بری سرحدی چوکیوں سے آمد ورفت کرنے والوں کے پاسپورٹس پر یوم وطنی کی خصوصی مہر لگائی۔
- Advertisement -
اس موقع پر مسافروں کو یادگاری تحائف اور پھول بھی پیش کیے گئے۔
خیال رہے کہ سعودی عرب ہر سال 23 ستمبر کو یوم وطنی مناتا ہے، یوم وطنی متحدہ ریاست کے قیام کی خوشی میں منایا جاتا ہے۔
