The news is by your side.

Advertisement

سندھ پولیس کو شہریوں سے اچھے برتاؤ کی ٹریننگ دی جائے گی

کراچی: سندھ پولیس کے تمام اہلکاروں کی خصوصی ٹریننگ کروانے کا فیصلہ کیا گیا ہے جس کے تحت انہیں اسلحے کا درست استعمال اور شہریوں سے اچھا برتاؤ کرنا سکھایا جائے گا۔

تفصیلات کے مطابق سندھ پولیس کے تمام اہلکاروں کی خصوصی ٹریننگ کروانے کا فیصلہ کیا گیا ہے۔ اس سلسلے میں ڈی آئی جی ٹریننگ ناصر آفتاب کو خصوصی ٹاسک دے دیا گیا۔

ناصر آفتاب کا کہنا ہے کہ اہلکاروں کو اسکول اپ ٹکٹس کی مرحلہ وار ٹریننگ دی جائے گی، ریٹائرڈ اہلکاروں کو خصوصی ٹریننگ کروائیں گے۔ خصوصی ٹریننگ میں اہلکاروں کو اسلحے کا درست استعمال سکھایا جائے گا۔

ڈی آئی جی کے مطابق پہلے مرحلے میں 1800 اہلکاروں کو ٹریننگ کروائی جائے گی۔ ٹریننگ میں جرائم پیشہ افراد کے خلاف ایکشن کا طریقہ سکھایا جائے گا۔ اسنیپ چیکنگ اور چھاپوں پر شہریوں سے اچھے برتاؤ کی ٹریننگ دی جائے گی۔

ان کا کہنا ہے کہ سندھ حکومت کی اجازت کے بعد ٹریننگ کا سلسلہ شروع کیا جائے گا۔

Comments

یہ بھی پڑھیں