اسلام آباد : سپریم کورٹ میں مخصوص نشستوں سے متعلق سماعت آج مکمل ہونے کا امکان ہے، الیکشن کمیشن اور پیپلز پارٹی کے وکلا دلائل دیں گے۔
تفصیلات کے مطابق سپریم کورٹ میں مخصوص نشستوں سے متعلق کیس سماعت ٓج پھر ہوگی ، چیف جسٹس قاضی فائز عیسی 13 رکنی فل کورٹ سنی اتحاد کونسل کی مخصوص نشستوں کی اپیلوں پر سماعت کرے گا۔
الیکشن کمیشن وکیل اسکندر بشیر مہمند دلائل دینگےالیکشن کمیشن وکیل کے بعد پیپلز پارٹی وکیل فاروق ایچ نائیک دلائل دینگے۔
وکلا کے دالائل مکمل ہونے پر مخصوص نشتوں پر سماعت آج مکمل ہونے کا امکان ہے۔
مزید پڑھیں : مخصوص نشستوں کا کیس: اٹارنی جنرل کی سنی اتحاد کونسل کی اپیلیں مسترد کرنے کی استدعا
فل کورٹ آج اٹارنی جنرل کا تحریری جواب بھی پیش ہوگا جبکہ تحریک انصاف کی پارٹی بننے کی درخواست کا جائزہ لے گا۔
یاد رہے گذشتہ روز مخصوص نشستوں کے کیس میں اٹارنی جنرل نے تحریری جواب سپریم کورٹ میں جمع کرایا تھا، جس میں استدعا کی تھی کہ سنی اتحاد کونسل کی اپیلیں خارج کی جائے۔
جواب میں یہ بھی استدعا کی گئی تھی کہ کہ الیکشن کمیشن پشاور ہائیکورٹ کا مخصوص نشستیں نہ دینے کا فیصلہ برقرار رکھا جائے۔
اٹارنی جنرل کی جانب سے جواب میں کہا تھا کہ سنی اتحاد کونسل مخصوص سیٹوں کی تقسیم کے وقت پارلیمانی جماعت نہیں تھی، سنی اتحاد کونسل نے عام انتخابات میں حصہ نہیں لیا اور آزاد ارکان کی شمولیت سے سنی اتحاد کونسل کو مخصوص نشستیں نہیں دی جا سکتی۔
تحریری جواب میں مزید کیا گیا تھا کہ سنی اتحاد کونسل نے مخصوص سیٹوں کیلئے کوئی فہرست جمع نہیں کرائی، آزاد ارکان کی سنی اتحاد کونسل میں شمولیت کے باوجود وہ آزاد ہی رہیں گے۔
