ترجمان اسلام آباد پولیس نے تصدیق کی ہے کہ وفاق سے پولیس کی ٹیم پی ٹی آئی چیئرمین عمران خان کی گرفتاری کے لیے لاہور پہنچی ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان کی گرفتاری کے لیے اسلام آباد پولیس زمان پارک لاہور پہنچ گئی ہے۔ وفاقی پولیس کی ٹیم ایس پی سٹی اسلام آباد حسین طاہر کی سربراہی میں پہنچی ہے۔
کارکنوں کا شدید ردعمل کے بعد ایس آئی ندیم نے کہا تھا کہ وہ عمران خان کی گرفتاری نہیں بلکہ عدالتی نوٹس وصول کرانے آئے ہیں تاہم ترجمان اسلام آباد پولیس کے ترجمان نے اس بات کی تردید کردی ہے۔
ترجمان اسلام آباد پولیس نے کہا ہے کہ عدالتی احکامات پر عمران خان کی گرفتاری کیلیے ٹیم لاہور پہنچی ہے اور لاہور پولیس کے تعاون سے تمام کارروائی مکمل کی جا رہی ہے۔
یہ بھی پڑھیں: عمران خان کو گرفتار کرنے نہیں آئے، سب انسپکٹر ندیم
ترجمان کے مطابق اسلام آباد پولیس اپنی حفاظت میں عمران خان کو اسلام آباد منتقل کریگی۔ قانون سب کے لیے برابر ہے اس لیے جو بھی عدالتی احکامات میں رکاوٹ ڈالے گا اس کے خلاف قانونی کارروائی کی جائے گی۔
