نیٹ فلکس کی مقبول سیریز ’اسکویڈ گیم‘ کے شائقین میں جوش و خروش پایا جا رہا ہے کیونکہ اس کے سیزن 3 کے بارے میں تفصیلات سامنے آنا شروع ہو چکی ہیں۔
غیر ملکی میڈیا کی رپورٹس کے مطابق اسکویڈ گیم کے سیزن 2 کے بعد اگلا سیزن میں مرکزی کردار سیونگ گی ہن (Seong Gi-hun) کے سفر کا اختتام ہو سکتا ہے۔
ریلیز کی ممکنہ تاریخ
سیریز بنانے والے Hwang Dong-hyuk نے حال ہی میں سیزن 3 کی ریلیز کے بارے میں بات کی اور اشارہ دیا کہ نیا سیزن اسی سال ریلیز ہوگا۔ انہوں نے مئی 2025 میں ریلیز کی افواہوں کو مسترد کرتے ہوئے تصدیق کی کہ نیا سیزن اس سال کے آخر میں آ جائے گا۔
یہ افواہیں اُس وقت گردش ہونا شروع ہوئیں جب مبینہ طور پر نیٹ فلکس کوریا کے یوٹیوب چینل کی جانب سے 27 جون 2025 کا اعلان کیا گیا۔
تیسرے سیزن میں کیا ہوگا؟
سیزن 2 کے اختتام پر شائقین نے ایک دل دہلا دینے والا منظر دیکھا جس میں Seong Gi-hun کا بہترین دوست Jung-bae مار دیا جاتا ہے۔ سیزن 3 ممکنہ طور پر یہ دکھایا جائے گا کہ دوست کی موت کے بعد مرکزی کردار کا ذہن اور جذبات کیسے متاثر ہوئے۔
سیریز بنانے والے Hwang Dong-hyuk نے نئے سیزن کو Seong Gi-hun کے سفر کا آخری باب قرار دیا۔
سیزن 2 میں حاملہ کھلاڑی کا کردار ادا کرنے والی اداکارہ Jo Yu-ri نے ایک انٹرویو میں اشارہ دیا کہ سیزن 3 ایک ناقابل تصور موڑ اختیار کرے گا۔
