سی ٹی ڈی نے جامشورو میں بڑی کارروائی کرتے ہوئے ایس آر اے کا اہم رکن، ٹارگٹ کلر اور مطلوب اشتہاری دہشت گرد گرفتار کرلیا۔
تفصیلات کے مطابق محکمہ انسداد دہشتگردی (سی ٹی ڈی)نے جامشورو میں بڑی کارروائی کرتے ہوئے ایس آر اے کا اہم رکن، ٹارگٹ کلر اور مطلوب اشتہاری دہشت گرد کو جامشورو یونیورسٹی کے قریب سوسائٹی سے گرفتار کرلیا۔
ترجمان سی ٹی ڈی کا کہنا ہے کہ گرفتار دہشت گرد کی شناخت عزیر شاہ کے نام سے ہوئی ہے، گرفتار ملزم دہشت گردی کی مختلف وارداتوں میں مطلوب تھا۔
ترجمان سی ٹی ڈی نے بتایا کہ دہشت گرد کوٹری ریلوے ٹریک کو دھماکے سے اڑانے کے مقدمے میں مطلوب تھا، دہشت گرد مختلف تھانوں کی حدود میں ٹارگٹ کلنگ کی وارداتوں میں ملوث تھا۔
ملزم سی ٹی ڈی تھانے پر دہشت گردی کی وارداتوں کے کیس میں بھی مطلوب تھا، دہشت گرد کے اہم ساتھی ہالارچانگ کو عدالت پہلے ہی چودہ سال سزا سنا چکی ہے۔
