پیر, فروری 17, 2025
اشتہار

پاکستان میں ٹیسٹ کرکٹ کی واپسی، سری لنکا نے ٹیسٹ میچ کھیلنے کی ہامی بھرلی

اشتہار

حیرت انگیز

لاہور: پاکستان میں ٹیسٹ کرکٹ کی واپسی رواں سال اکتوبر میں ہوگی، سری لنکا نے پاکستان میں ٹیسٹ میچ کھیلنے کی ہامی بھرلی۔

تفصیلات کے مطابق شائقین کرکٹ کے لیے خوشخبری ہے کہ 2009 کے بعد پاکستان میں ٹیسٹ کرکٹ کا میدان سجے گا، سری لنکن ٹیم اکتوبر میں لاہور میں ایک ٹیسٹ میچ کھیلے گی۔

پاکستان اور سری لنکا کے درمیان دوسرا ٹیسٹ میچ دبئی میں کھیلا جائے گا، دسمبر اور جنوری میں سری لنکا سے تین ون ڈے اور تین ٹی ٹوینٹی میچز کی سیریز شیڈول ہے۔

قومی ٹیم جنوری میں ہی بنگلہ دیش کے خلاف دو ٹیسٹ اور تین ٹوینٹی میچز بھی کھیلے گی۔

پاکستان اور سری لنکا کے درمیان یہ مقابلے آئی سی سی ورلڈ ٹیسٹ چیمپئن شپ کے درمیان ہوں‌ گے، ورلڈ ٹیسٹ چیمپئن شپ میں 9 ممالک کی ٹیمیں مدمقابل ہوں گی. حکام کی کوشش ہے کہ سری لنکا کے بعد بنگلا دیش بھی پاکستان کا دورے کرے.

خیال رہے کہ پاکستان میں انٹرنیشنل کرکٹ کی بحالی میں‌ پی ایس ایل نے کلیدی کردار ادا کیا، دنیا کو یہ پیغام دیا کہ پاکستان کرکٹ کے لیے ایک محفوظ ملک ہے.

یاد رہے پاکستان سپر لیگ کے آٹھ میچز کراچی میں‌ ہوئے تھے، جن میں‌ انٹرنیشنل کرکٹ کے بڑے ستاروں نے شرکت کی تھی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں