The news is by your side.

Advertisement

سری لنکن بیٹسمین ضمانت پر رہا

کولمبو: سری لنکن بیٹسمین کوشال مینڈس کو کار کی ٹکر سے معمر شخص کو ہلاک کرنے کے الزام میں ضمانت پر رہائی مل گئی۔

اتوار کی صبح مینڈس کی گاڑی کی ٹکر سے چونسٹھ سالہ سائیکلسٹ ہلاک ہوگیا تھا، تفتیش کے مطابق مینڈس گاڑی چلاتے وقت سو گئے تھے جب کہ تفتیش میں مینڈس پر شراب پی کر گاڑی چلانے کا الزام ثابت نہیں ہوسکا۔

پیر کے روز کوشال مینڈس کو مجسٹریٹ کے روبرو پیش کیا گیا تو پولیس رپورٹ پر مجسٹریٹ نے کھلاڑی کو ضمانت پر رہا کرنے کا حکم دے دیا۔

کوشال مینڈس کو ہلاک شخص کے لواحقین کو دس لاکھ روپے دینے کی ہدایت کر دی ہے۔ضمانت ملنے پر پولیس نے پلیئر کو رہا کر دیا ہے۔

خیال رہے کہ وکٹ کیپر بیٹسمین کوشل مینڈس 44 ٹیسٹ اور 76 ون ڈے میچوں میں سری لنکا کی نمائندگی کا اعزاز رکھتے ہیں اور مجموعی طور پر 5 ہزار سے زائد رنز بنا چکے ہیں، اس کے علاوہ وہ 26 ٹی 20 میچوں میں بھی سری لنکا کی نمائندگی کر چکے ہیں۔

fb-share-icon0
Tweet 20

Comments

comments

یہ بھی پڑھیں