کولمبو: سری لنکن ٹیسٹ کرکٹ ٹیم کے کپتان نے اعتراف کیا ہے کہ پاکستان کو ٹیسٹ سیریز میں شکست دینے کے لیے جادوئی مدد حاصل کی۔

تفصیلات  کے مطابق پاکستان اور سری لنکا کے مابین دبئی اور شارجہ میں کھیلے جانے والے ٹیسٹ میچز کی سیریز میں قومی ٹیم کو کس طرح شکست دی گئی اس بات کا اعتراف سری لنکن ٹیسٹ کرکٹ ٹیم کے کپتان چندی مل نے خود ہی کرلیا۔

چندی مل نے اعتراف کیا کہ پاکستان سے ٹیسٹ سیریز جیتنے کے لیے دوست کی والدہ سے روحانی مدد حاصل کی گئی اور اسی وجہ سے ہم نے دونوں میچز میں فتح حاصل کی۔

انہوں نے کہا کہ سری لنکن وزیر کھیل نے جادوئی مدد حاصل کرنے سے انکار کیا تھا مگر ہم نے خاموشی سے دوست کی والدہ سے رابطہ کیا اور اُن سے روحانی مدد حاصل کر کے سیریز اپنے نام کی۔

پڑھیں: سری لنکا سے شکست ، قومی ٹیم ٹیسٹ رینکنگ میں ساتویں نمبرپر

سری لنکن ٹیم کے کپتان نے کہا کہ میرا اس بات پر یقین ہے کہ اگر ہمارے کھلاڑیوں کے پاس صلاحیتیں بھی موجود ہو تب بھی بغیر کسی روحانی مدد کے فتح حاصل نہیں کی جاسکتی۔

واضح رہے کہ شارجہ میں کھیلے جانے والے پہلے ٹیسٹ میں سری لنکن ٹیم نے سرفراز الیون کو 21 جبکہ دبئی کے دوسرے میچ میں 68 رنز سے شکست دے کر سیریز اپنے نام کی تاہم پاکستان نے ون ڈے اور ٹی ٹوینٹی میں مخالف ٹیم کو وائٹ واش کیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔