The news is by your side.

Advertisement

کرکٹ ورلڈکپ 2019: سری لنکا اور جنوبی افریقا آج مدمقابل ہوں گے

چیسٹرلی: آئی سی سی ورلڈکپ 2019 میں مقابلوں کا سلسلہ جاری ہے، آج سری لنکا اور جنوبی افریقا کے درمیان ٹاکرا ہوگا۔

تفصیلات کے مطابق آئی سی سی ورلڈکپ کے 35ویں میچ میں آج سری لنکا اور جنوبی افریقا کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

سری لنکا کی ٹیم میگا ایونٹ میں اب تک چھ میچز کھیل چکی ہے، جس میں سے ان کو دو میچز میں کامیابی ملی اور دو میں ناکامی کا سامنا کرنا پڑا اور دو میچز بارش کی نذر ہوگئے۔ اس طرح سری لنکن ٹیم چھ پوائنٹس کے ساتھ ٹیبل پر ساتویں نمبر پر ہے۔

دوسری جانب جنوبی افریقا کی ٹیم اب تک سات میچز کھیل چکی ہے جس میں سے صرف میں میچ جیتنے کے بعد پوائنٹس ٹیبل پر 3 پوائنٹس کے ساتھ نویں نمبرپر ہے۔ پروٹیز کا ایک میچ بارش کی نذر ہوگیا تھا۔

واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

Comments

comments

یہ بھی پڑھیں