کولمبو: پولیس نے صدارتی محل میں گھسنے کی کوشش کرنے والے 21 مظاہرین کو پولیس نے گرفتار کرلیا ہے۔
غیرملکی میڈیا کے مطابق سری لنکا میں اقتصادی بحران کے باعث مظاہرین نے صدر گوٹا بایا راجا پاکسے کے استعفی کا مطالبہ کرتے ہوئے ایوان صدر میں داخلے کی کوشش کی، جس پر پولیس نے 21 افراد کو گرفتار کرلیا ہے۔
کولمبو پیج نامی اخبار کے مطابق پولیس نے ایوان صدر میں داخلے اور وزارت خزانہ کے خارجی دروازے پر مظاہرین کو روکنے کی کوشش کی۔ پولیس کا کہنا ہے کہ حراست میں لیے گئے 21 افراد میں خواتین بھی شامل ہیں۔
حکام کا کہنا ہےکہ عالمی مالیاتی فنڈ کے وفد کے وزارت خزانہ کے دورے سے قبل علاقے کو مظاہرین سے پاک کرنے کےلیے یہ کاروائی کی گئی ہے۔
خیال رہے کہ سری لنکا بدترین اقتصادی بحران کا شکار ہے، اور ملک میں ایندھن، کھانے پینے کی اشیا اور ادویات سمیت دیگر اشیائے ضروریہ کی شدید قلت ہے، جس کے باعث 9 دسمبر سے اب تک سری لنکن صدر اور حکومت کے خلاف مظاہروں کا سلسلہ جاری ہے۔
سری لنکن حکومت کے اس وقت آئی ایم ایف کے ساتھ مذاکرات جاری ہیں، سری لنکا کو اس وقت 4 تا 5 ارب ڈالر کے قرضے درکار ہے
