وزیرِ اعظم عمران خان کو سری لنکا کے وزیرِ اعظم کا ٹیلی فون -
The news is by your side.

Advertisement

وزیرِ اعظم عمران خان کو سری لنکا کے وزیرِ اعظم کا ٹیلی فون

اسلام آباد: سری لنکا کے وزیرِ اعظم رنیل وکرما سنگھا نے وزیرِ اعظم پاکستان عمران خان کو فون کر کے وزارتِ عظمیٰ کا عہدہ سنبھالنے پر مبارک باد دی۔

تفصیلات کے مطابق سری لنکن وزیرِ اعظم نے فون کر کے وزیرِ اعظم عمران خان کو مبارک باد دی، عمران خان نے سری لنکا کے وزیرِ اعظم کا شکریہ ادا کیا۔

سری لنکن وزیرِ اعظم وکرما سنگھا نے فون کر کے کہا کہ دو طرفہ تعلقات میں اضافے کے لیے مل کر کام کرنا وقت کی اہم ضرورت ہے۔

وزیرِ اعظم عمران خان کا کہنا تھا کہ پاکستان اور سری لنکا کے درمیان گہرے اور دوستانہ تعلقات استوار ہیں، ان تعلقات میں اضافے کے لیے کام کیا جائے گا۔

دونوں ممالک کے رہنماؤں نے اس بات پر اتفاق کیا کہ سیاست، معیشت، دفاع، سیاحت سمیت مختلف شعبوں میں دو طرفہ تعلقات میں اضافے کی ضرورت ہے۔


یہ بھی ملاحظہ کریں:  منی لانڈرنگ سے باہر گیا پیسہ واپس لانے کیلیے ٹاسک فورس بنائیں گے، عمران خان


واضح رہے کہ آج قوم سے اپنے پہلے خطاب میں وزیرِ اعظم عمران خان نے معیشت اور سیاحت کے شعبوں کی بہتری کے لیے واضح اور بڑے اقدامات کرنے کا اعلان کیا ہے۔

قوم سے خطاب میں انھوں نے کہا ’ایکسپورٹ انڈسٹری کی بھرپور مدد کریں گے، سرمایہ کاروں کے لیے وَن ونڈو آپریشن شروع کرنے اور سرمایہ کاری میں اضافے کے لیے ان کی تمام مشکلات کو دور کریں گے۔‘

Comments

comments

یہ بھی پڑھیں