کولمبو: سری لنکا نے بھارت کو آخری ٹی 20 میچ میں 7 وکٹوں سے شکست دے کر 2-1 سے سیریز جیت لی۔
تفصیلات کے مطابق کولمبو میں کھیلے جانے والے میچ میں بھارتی ٹیم پہلے بیٹنگ کرتے ہوئے 81 رنز پر ڈھیر ہوگئی جواب میں سری لنکا نے مطلوبہ ہدف 3 وکٹوں کے نقصان پر 14.3 اوورز میں باآسانی حاصل کرلیا۔
ونندو ہسارنگا کو 4 وکٹیں حاصل کرنے پر میچ اور سیریز کا بہترین کھلاڑی قرار دیا گیا۔
What a brilliant VICTORY! 🎉️
🇱🇰 seal the T20I series 2️⃣-1️⃣ 👊#SLvIND pic.twitter.com/jkdWNpgtzJ
— Sri Lanka Cricket 🇱🇰 (@OfficialSLC) July 29, 2021
بھارتی ٹیم پہلے بیٹنگ کرتے ہوئے شروع سے ہی مشکلات کا شکار رہی اور ابتدائی 5 وکٹیں صرف 36 رنز پر گر گئیں۔
بھارت کی جانب سے کلدیپ یادیو 23 رنز بنا کر نمایاں رہے باقی کوئی بھی کھلاڑی خاطر خواہ کارکردگی نہ دکھاسکا۔
سری لنکا کے ونندو ہسارنگا نے چار، چمیرا اور مینڈس نے ایک، ایک وکٹ حاصل کی۔
سری لنکا کے دھنن جیا ڈی سلوا 23 اور ونندو ہسارنگا 14 رنز کے ساتھ ناٹ آؤٹ رہے، بھنوکا اور اویشکا فرننڈو نے بالترتیب 18 اور 12 رنز کی اننگز کھیلی۔
What a spell from the birthday boy, Wanindu Hasaranga! 👊
Champion! 🙌#SLvIND pic.twitter.com/hzmhbjmGIN
— Sri Lanka Cricket 🇱🇰 (@OfficialSLC) July 29, 2021
بھارت کی جانب سے راہول چاہر نے تین وکٹیں حاصل کیں۔
واضح رہے کہ گزشتہ روز کھیلے گئے ٹی ٹوینٹی میچ میں بھی سری لنکا نے بھارت کو شکست دی تھی اور سیریز 1-1 سے برابر کردی تھی، آخری میچ میں کامیابی حاصل کرکے میزبان ٹیم نے سیریز 2-1 سے جیت لی۔
